தமிழ்நாடு அரசுப் போக்குவரத்துக் கழகம் (திருநெல்வேலி) லிமிடெட், திருநெல்வேலி 12.12.1973 அன்று கம்பெனி சட்டத்தின்படி பாண்டியன் ரோடுவேஸ் கார்ப்பரேஷனிலருந்து பிரிந்து நாகர்கோவிலை தலைமையிடமாகக் கொண்டு கட்டபொம்மன் போக்குவரத்துக் கழகம் லிமிடெட் என்ற பெயரில் 01.01.1974 முதல் தொடங்கப்படட்து,

பின்னர் 01.04.1983 அன்று திருநெல்வேலி மற்றும் தூத்துக்குடி மாவட்ட பொதுமக்களின் தேவையை பூர்த்தி செய்வதற்காக திருநெல்வேலியை தலைமையிடமாகக் கொண்டு கட்டபொம்மன் போக்குவரத்துக் கழகமாக பிரிக்கப்பட்டது. கன்னியாகுமரி மாவட்ட பொதுமக்களின் தேவையை பூர்த்தி செய்வதற்காக நாகர்கோவிலை தலைமையிடமாகக் கொண்டு நேசமணி போக்குவரத்துக் கழகமாக பிரிக்கப்பட்டது..

01.07.1997 முதல் கட்டபொம்மன் போக்குவரத்துக் கழகத்தின் பெயர் தமிழ்நாடு அரசுப் போக்குவரத்துக் கழகம் (MDU.Dvn-II) லிமிடெட், எனவும், மற்றும் நேசமணி போக்குவரத்துக் கழகம் தமிழ்நாடு அரசுப் போக்குவரத்துக் கழகம் (MDU.Dvn-III) லிமிடெட் எனவும் மாற்றப்பட்டது.

பின்னர் இந்த போக்குவரத்துக் கழகம் தமிழ்நாடு அரசுப் போக்குவரத்துக் கழகம் (மதுரை) லிமிடெட்., மதுரையுடன், ஒருங்கிணைப்புக் கொள்கையின் கீழ், 12.02.2004 முதல் இணைகக்ப்பட்டு மதுரையைத் தலைமையிடமாகக் கொண்டு, மதுரை நிர்வாக இயக்குநரின் நேரடிக் கட்டுப்பாட்டின் கீழ் மண்டலமாக மாற்றப்பட்டது.

மீண்டும், 01.11.2010 முதல் ஒருங்கிணைந்த அரசு போக்குவரத்துக் கழகம் (மதுரை) லிமிடெட், மதுரையிலருந்து பிரிந்து, திருநெல்வேலியை தலைமையிடமாகக் கொண்டு தமிழ்நாடு அரசுப் போக்குவரத்துக் கழகம் (திருநெல்வேலி) லிமிடெட், திருநெல்வேலி என்ற பெயரில் உருவாக்கப்பட்டது.

தூத்துக்குடி மாவட்ட பொதுமக்களின் நலனுக்காக 26.06.2013 அன்று தமிழ்நாடு அரசுப் போக்குவரத்துக் கழகம் (திருநெல்வேலி) லிமிடெட், திருநெல்வேலியில் "தூத்துக்குடி" என்ற புதிய மண்டலம், ஆறு கிளைகளுடன் பொது மேலாளரின் கட்டுப்பாட்டில் உருவாக்கப்பட்டது.

அரசு அறிவிப்பின்படி, திருநெல்வேலி மண்டலம் சேரன்மகாதேவியில் 18.06.2015 அன்று புதிய பணிமனையும், தூத்துக்குடி மண்டலம் சாத்தான்குளத்தில் 08.03.2017 அன்று புதிய பணிமனையும் திறக்கப்பட்டது.

இந்த கழகம் தற்போது "தமிழ்நாடு அரசு போக்குவரத்து கழகம் (திருநெல்வேலி) லிமிடெட், திருநெல்வேலி" என்ற பெயரில் செயல்படுகிறது. இந்த போக்குவரத்துக கழகத்தின் கீழ், திருநெல்வேலி, நாகர்கோவில், தூத்துக்குடி ஆகிய மூன்று மண்டலங்கள் உள்ளன.