1975-ம் ஆண்டு உருவாக்கப்பட்ட தந்தை பெரியார் போக்குவரத்துக் கழகம் 16.01.1975ல் 172 பேருந்துகளை கொண்டு செயல்பட தொடங்கியது. அப்பொழுது வட ஆற்காடு, தென்னாற்காடு மற்றும் புதுவை மாநில பொது மக்களுக்கு திறமையாகவும், சிக்கனமாகவும், ஒருங்கிணைந்த வகையிலும் போக்குவரத்து வசதியினை அளித்திடும் வகையில் இது உருவாக்கப்பட்டது.

1983-ம் ஆண்டில் இப்போக்குவரத்துக் கழகத்தில் இருந்து பட்டுக்கோட்டை அழகிரி போக்குவரத்துக் கழகம் மற்றும் 1992-ம் ஆண்டில் புரட்சித் தலைவர் எம்ஜிஆர் போக்குவரத்துக் கழகம் உருவாக்கப்பட்டது.

பட்டுக்கோட்டை அழகிரி போக்குவரத்துக் கழகம் உருவாகும் போது இக்கழகத்தின் பேருந்துகளின் எண்ணிக்கை 492 ஆகவும், புரட்சித் தலைவர் எம்ஜிஆர் போக்குவரத்துக் கழகம் உருவாகும் போது இக்கழகத்தின் பேருந்துகளின் எண்ணிக்கை 1062 ஆகவும் இருந்தது.

இம்மூன்று போக்குவரத்துக் கழகங்களும் 30.12.2003-ல் ஒருங்கிணைத்து தமிழ்நாடு அரசு போக்குவரத்துக் கழகம் (விழுப்புரம்) என்ற பெயரில் விழுப்புரத்தை தலைமை அலுவலகமாக கொண்டு விழுப்புரம், வேலூர், காஞ்சிபுரம் மண்டலங்கள் இயங்கின, மேலும் திருவண்ணாமலை மண்டலம் 22.,01,2007 அன்றும் கடலூர் மற்றும் திருவள்ளூர் மண்டலங்கள் 04.08.2022 அன்றும் புதிய மண்டலங்களாக உருவாக்கப்பட்டு செயல்பட்டு வருகின்றன. இப்போக்குவரத்துக் கழகத்தின் பேருந்துகளின் எண்ணிக்கை 31.07.2022-ன்படி 3287 ஆகும்.

தற்போது இப்போக்குவரத்துக் கழகம் விழுப்புரம், கள்ளகுறிச்சி, கடலூர், வேலூர், திருப்பத்தூர், இராணிப்பேட்டை, திருவண்ணாமலை, காஞ்சிபுரம், செங்கற்பட்டு, திருவள்ளூர் மாவட்டங்கள், புதுவை யூனியன் பிரதேசம் மற்றும் அதனை சார்ந்த சுற்று வட்டார பகுதிகளில் வசிக்கும் பொது மக்களின் தினசரி பயன்பாட்டிற்காக பேருந்து வசதியினை அளித்து வருகிறது.